12-сентябрга карата Россия-Украина аскерий жаңжалынын айланасында күн сайын Украинадагы жана дүйнөдөгү акыркы окуялар.
Негизги
Россия Украинадагы “олуттуу инфраструктура” объектилерине сокку урду. Жекшембиден дүйшөмбүгө караган түнү Украинанын ар кайсы аймактарындагы ТЭЦ жана башка маанилүү инфраструктуралык объектилер аткылоого дуушар болду. Беш аймак толугу менен же жарым-жартылай өчүрүлгөн.
Украинанын темир жолдору электр энергиясынын үзгүлтүккө учурашынан улам поезддердин кечигип жатканын кабарлай баштады.
Украин армиясы Харьков облусунда каршы чабуулун улантууда. Киев орус армиясы Белгород облусу менен чек арадан болгону 3 чакырым алыстыкта жайгашкан Казачья Лопань айылынан чегингенин кабарлады. УКК Украина-Россия чек арасындагы Харьков облусунун түндүгүндөгү Гоптовка өткөрмө бекетин көзөмөлгө алды.
Сентябрь айынын башынан бери 3 миң чарчы км ашык аянт бошотулган. УКК башкы командачысы Валерий Залужный билдирди. Харьков облусунун башчысы Олег Синегубовдун айтымында, украин аскерлери аймактагы 40 ашуун калктуу конуштарды бошотту.
Орус аскерлери Изюмден кетишти — артка чегинүүнү Россиянын Коргоо министрлиги расмий түрдө жарыялап, аны «аскерлерди кайра топтоо» деп атады.
Кремль УККнын ийгиликтүү контрчабуулунан улам ЛЭР, ДЭР жана Запорожье, Харьков жана Херсон облустарынын аймактарын Россияга кошуу боюнча референдумдарды белгисиз мөөнөткө жылдырды.
Россиянын Коргоо министрлиги беш күндүк контрчабуулда 4000 украин аскери набыт болгонун билдирди. Бөлүм картада Россиянын Харьков облусунун көпчүлүк бөлүгүнөн чегинүүсүн көрсөткөн.
Украин армиясы Харьков облусундагы маанилүү шаар болгон Балаклеяны, ал эми Купянскты жарым-жартылай көзөмөлдөйт.
Ромсиянын тышкы иштер министри Сергей Лавров Россия сүйлөшүүлөргө даяр экенин билдирди.
Запорожье АЭСинде акыркы реактор өчүрүлгөн, бирок система туруксуз, коркунучтар бар. МАГАТЭ атомдук электр станциясынын айланасында буфердик зонаны түзүү боюнча сүйлөшүүлөрдү жүргүзүүдө.
Кадыров орус командачылыгын сынга алып, Харьков облусунун калган шаарларын кайтарып алууга убада кылды.