Россиянын Президенти менен Түркиянын Тоолуу Карабак маселеси боюнча сүйлөшүүлөрү жөнүндө кабарланды.
Россиянын Президенти Владимир Путин Түркиянын Президенти Режеп Тайип Эрдоган менен телефон аркылуу сүйлөштү. Бул тууралуу Кремлдин сайтында маалымдалды.
Тараптар коронавирустук инфекциянын жайылышына каршы туруу жаатында кызматташууну өркүндөтүүнүн келечегин, анын ичинде Түркиядагы Россиянын вакциналарын жеткирүүнү жана өндүрүүнү уюштурууну талкуулашты.
Тоолуу Карабактын айланасындагы кырдаалды талкуулоо Россиянын, Азербайжандын жана Армениянын лидерлеринин 2020-жылдын 9-ноябрындагы жана 2021-жылдын 11-январындагы билдирүүлөрүндө жазылган макулдашууларды ишке ашыруу алкагында улантылды. Бул региондун социалдык-экономикалык өнүгүүсүнүн кызыкчылыгы үчүн Россия менен Түркиянын иш-аракеттерин координациялоо дегенди билдирет. Ок атпоо режимин көзөмөлдөө боюнча биргелешкен орус-түрк борборунун иши башталгандыгына байланыштуу канааттануу билдирилди.