Түркия лидери Реджеп Тайип Эрдоган. АрхивЭрдоган АКШнын Түркиядагы базаларын жабууга ниеттенип жатат: Пентагондун жообу

Түркия лидери Реджеп Тайип Эрдоган АКШнын санкцияларына жооп катары америкалыктардын «Инджирлик» жана «Кюреджик» базаларын жаап салуусу мүмкүн экенин айтты. Бул тууралуу A Haber телеканалы маалымдады.

Эске салсак, өткөн аптада АКШнын эл аралык иштер боюнча сенаты Түркияга каршы санкциялар тууралуу мыйзам долбоорун колдогон. Ал күчүнө кирсе, Анкарага Америка куралын сатууга тыюу салынат. Ошондой эле банктарда насыялык чектөөлөр, Түркиянын кызмат адамдарына санкциялар коюлат. Вашингтон менен Анкаранын мамилеси Түркия Сирияга аскерлерин киргизгенден кийин солгундаган.

«АКШ биздин мамилелерибизди буза турган кадамдарга барбай эле койгону эки тарапка тең керек. Албетте, Түркия санкцияларга жооп берет. Эгер керек болсо, «Инджирлик» жана «Кюреджик» базаларын жаап коебуз», — деди Эрдоган.

РИА Новости агенттигине Пентагон өкүлүнүн билдиргенине караганда, АКШнын Коргоо министрлиги Түркия менен мамилени бузбоо аракеттерин көрүүдө.

Вашингтон менен Анкаранын мамилеси Түркия Сирияга аскерлерин киргизгенден кийин солгундаган. Учурда америкалыктар Түркияга санкция менен сес көрсөтүү аракетинде.

«НАТО боюнча өнөктөшүбүз Түркия менен мамилени сактап калууга жан үрөп жатабыз. Муну менен биз Түркия С-400 системасы, Сирия сыяктуу маселелерде конструктивдүү саясат жүргүзөт деп үмүт кылабыз», — деди Пентагон өкүлү.

Түркиянын түштүгүндөгү «Инджирлик» авиабазасын америкалык абадан коргонуу күчтөрү пайдаланат. Мындагы аскерлер «Кюреджик» базасындагы ракета соккусу боюнча эрте маалымат алуучу радиолокациялык станциянын ишин камсыздап турат.

Эки өлкөнүн мамилесин солгундаткан россиялык абадан коргонуу С-400 системасы быйылкы жылдын июль айынан Түркияга тарта жеткириле баштаган.

Вашингтон түрктөргө Россия менен келишимден баш тартып, АКШда жасалган Patriot комплексин сатып алууну сунуштаган. Бирок Анкара андан баш тартып койгону маалым.

Добавить комментарий