Россияда коронавирус май айынын орто ченинде чокусунан түшөт

Адистердин айтымында, Россияда жаңы коронавирустук инфекциялардын саны май айынын орто ченине туш болот, деди президенттин басма сөз катчысы Дмитрий Песков.

Андан кийин бара-бара төмөндөшү мүмкүн деп түшүндүрдү ал.

«Оорулуулардын күн сайын көбөйүшү, тилекке каршы, олуттуу болуп саналат, бирок бул өсүш саламаттык сактоо системасына доо кетирбейт», — деп кошумчалады Кремлдин өкүлү.

Песков коронавирус — жалпы көйгөй экендигин жана аны бирге чечүү керектигин баса белгиледи.

Ошондой эле, басма сөз катчынын айтымында, президент үчүн биринчи кезекте коронавируска каршы күрөшүү жана адамдардын өмүрүн сактоо, андан кийин экономиканы калыбына келтирүү.

Россия коронавируска чалдыккандардын саны боюнча онунчу орунда турат — 57,999 адам. Ошол эле учурда, акыркы 24 саатта мурунку күнгө караганда азыраак оорулуу — 5,642 адамга салыштырмалуу 5,236. Бүткүл мезгил ичинде 513 адам өлүп, 4,4 миңден ашык адам айыккан.

Добавить комментарий