Россия Кытай юанында насыя алуу үчүн Кытай менен сүйлөшүүлөрдү жүргүзүүдө. Россиянын каржы министри Антон Силуанов бул маалыматты тастыктап, учурда бул маселе боюнча акыркы чечим жок экенин белгиледи. Бул тууралуу Reuters агенттиги билдирет.
«Кытайлык өнөктөштөр менен сүйлөшүүлөр көптөн бери жүрүп жатат. Азырынча эч кандай чечим жок. Биз бул теманы өткөн жылдын аягында министрликтер аралык диалогдо талкуулаганбыз», – деп белгиледи Россиянын каржы министри.
Россиянын каржы министри Силуанов ошондой эле Россия Кытай жана Евразиялык экономикалык биримдиктин өлкөлөрү менен санариптик валюталардагы төлөмдөрдү сынап көрүүгө даяр экенин кошумчалады.