Португалия бийлиги миллиардер Роман Абрамовичтин өлкөнүн түштүгүндөгү Алгарве аймагындагы 10 миллион евролук үйүн басып алды.
Бул тууралуу Público билдирди.
Басылманын маалыматына караганда, Россиянын Украинага чабуулу башталардан 15 күн мурун Абрамовичтин инвестициялык холдингине таандык Millhouse Views ЖЧКсы мүлктү сатууга аракет кылган, бирок бул тууралуу Португалиянын Caixa Geral de Depósitos мамлекеттик банк корпорациясы полицияга билдирген. Португалиянын ТИМ өтүнүчү менен 25-марттан бери мүлктү каттоо токтотулган.
Согуш башталгандан кийин Абрамович Евробиримдик менен Улуу Британиянын катаал санкцияларына кабылган. Анын активдери тоңдурулган, анын ичинде Лондондун “Челси” футбол клубу. Андан кийин Абрамович клубду америкалык ишкерлер Тодд Боели жана Марк Уолтер, швейцариялык миллиардер Хансйорг Висс жана Clearlake Capital инвестициялык компаниясы камтыган консорциумга сатуу келишимине кол койгон.
Апрель айынын ортосунда Британиянын Джерси аралынын соту Абрамовичке тиешелүү жалпы суммасы 7,3 миллиард долларды түзгөн активдерди тоңдурган. Бул олигархтын 13,9 миллиард долларга бааланган байлыгынын жарымынан көбү. Андан тышкары француз бийликтери анын мүлкүн конфискациялаган. Ривьерадагы сарай 120 миллион долларга Daily Mail басылмасынын маалыматына караганда, бул Абрамовичтен конфискацияланган француз 12 резиденциясынын бири.
Ошол эле маалда миллиардер Евробиримдиктин чегинен тышкары, камакка алуу коркунучу бар эки кымбат яхтасын алып чыгууга жетишкен.