24-мартта АКШнын Улуттук коопсуздук кеңеши (NSC) Россиянын Украинаны Москва облусундагы «Крокус Сити холл» соода борборунда теракт уюштурду деп айыптоо аракетин такыр четке какты, деп жазат NBC News. NSC басма сөз катчысы Адриен Уотсон кол салууга «Ислам мамлекети» террорчулары гана жооптуу экенин айтты.
«Украинанын катышуусу жок», – деп баса белгиледи ал.
АКШ расмийлери ИШИМ террордук чабуул коркунучу тууралуу маалымат Россияга белгиленген “эскертүү саясатына” ылайык берилгенин ырасташты. Чалгындоо кызматкерлери бир нече ай бою Россияда массалык өлүмгө дуушар болушу мүмкүн экенин көрсөткөн далилдерди чогултушту.
Эскерте кетсек, буга чейин АКШ, Германия жана башка мамлекеттердин элчиликтери Россиянын ири шаарларында теракт даярдалып жатканын эскертип, өз жарандарын эл көп чогулган, анын ичинде концерттик залдардан алыс болууга чакырышкан.
Москванын жанындагы «Крокус Сити холл» соода борборундагы теракт 130дан ашуун адамдын өмүрүн алып, көптөгөн жаракаттарды алган. Россиянын ФСБсы шектүүлөр кармалганын жарыялады.
Согушту изилдөө институтунун (ISW) талдоочулары кол салууну “Ислам мамлекети” террордук тобу менен байланыштырууда.
Өз кезегинде NYT «Москвадагы теракт Ооганстан, Чеченстан жана Сирия үчүн ИШИМден өч алуу» деп ырастоодо.