Синоптиктер жакынкы күндөрү Кыргызстанда катуу суук болорун айтышууда.
12-февралда күндүз жана 13-15-февралда өлкө аймагында туруксуз аба ырайы күтүлөт, деп маалымдайт Кыргызгидромет.
12-февралда күндүз көпчүлүк аймактарда мезгил-мезгили менен жаан, кар, тоо этектеринде жана тоолуу райондордо кар жаашы, Ош, Жалал-Абад облустарынын кээ бир райондорунда жаан-чачын катуу жаашы мүмкүн.
14-февралда күндүз жана 15-февралда түнкүсүн Чүй, Талас, Ош, Жалал-Абад, Баткен облустарынын көпчүлүк аймактарында, Ысык-Көл, Нарын облустарынын кээ бир райондорунда кар жаашы, Жалал-Абад облусунун кээ бир райондорунда катуу жаан-чачын жаашы күтүлөт.
13-февралда, 14-февралда түнкүсүн, 15-февралда күндүз кээ бир райондордо мезгил-мезгили менен кар жаайт.
Жолдор кар жана муз. Кээ бир жерлерде батыштан соккон шамалдын ылдамдыгы секундасына 15-20 метрге чейин жетет.
15-18-февралда абанын температурасы төмөндөйт:
Чүй өрөөнүндө түнкүсүн -7…12, күндүз -2…-7° суук,
Талас өрөөнүндө түнкүсүн -11…-16°, күндүз -2…-7° суук,
Ош, Жалал-Абад, Баткен облустарынын өрөөндөрүндө түнкүсүн -3° сууктан -8°ка чейин, күндүз -3° сууктан 2°ка чейин суук болот.
Ысык-Көл ойдуңунда түнкүсүн -10…15°, күндүз -2°…-7° суук,
Нарын облусунун дыйканчылык зонасында түнкүсүн -17…-22°, күндүз -5°…-10° чейин,
тоо этектеринде түнкүсүн -10…-15°, күндүз -2°…-7° суук,
Бийик тоолуу райондордо түнкүсүн -18…-23°, күндүз -9°…-14° чейин,
Бийик тоолуу райондордо түнкүсүн -28…-33°, күндүз -11…-16°ка чейин үшүк жүрөт.
Мындай туруксуз аба ырайы унаа, байланыш, энергетика жана коммуналдык кызматтардын ишин, жайыттарда малды кармоону кыйындатат.