Ысык-Көлдө кичи автобус менен Toyota Ipsum кагышып, жол кырсыгынын кесепетинен 6 адам жабыркады.
Бул тууралуу ӨКМ басма сөз кызматы билдирди.
«Кырсык 17-декабрда Каракол-Эңилчек жолунун 3-чакырымында болуп, 6 адам ар кандай жаракаттарды алышкан», — деп айтылат маалыматта.
Окуя болгон жерге Каракол шаарынын ПСЧ-15 бөлүмүнөн 4 куткаруучу тартылып, жабыркагандарга жардам көрсөтүшкөн.
Жабыркагандар тез жардам кызматы менен Ак-Суу аймактык ооруканасына жеткирилген.