Өрт чыккан «Антошка» тез татым жайынын ээси СИЗОго киргизилди

Ноябрь айынын башында Чүй менен Эркиндик проспектилеринин кесилишинде жайгашкан тез татым жайында бир нече жарылуу болуп, өрт чыккан.

«Антошка» тез татым жайынын ижарачысы 56 жаштагы К.А. шаардык соттун чечими менен №1 тергөө абагына киргизилди. Бул тууралуу Бишкек шаардык милициясынын башкы башкармалыгынын маалымат кызматынын башчысы Улан Жумаков билдирди.

Прокуратура: жарылуу болгон тез татым жайына газ жабдуусу мыйзамсыз коюлганБелгилей кетсек, 8-ноябрда Чүй менен Эркиндик проспектилеринин кесилишиндеги тез татым жайында бир нече жарылуу болуп, өрт чыккан. Анын кесепетинен ондон ашык киши жаракат алып, бир кыз каза болгон. Окуя болгон күнү Бишкек ШИИБдин тергөө кызматы териштирүү жүргүзүп, тез татым жайдын ижарачысын кармаган. Бирок сот аны үй камагына чыгарган.

Жумаков прокуратура бул чечимди шаардык сотко арызданганын кошумчалады.

 

Добавить комментарий