Азия өнүктүрүү банкы (АӨБ) тарабынан Каракол шаарындагы саркынды сууларды тазалоочу жайдын курулушуна бөлүнгөн каражат чет өлкөгө которулганы белгилүү болду.
УКМКнын басма сөз кызматы билдиргендей, Ичүүчү суу менен камсыздоо жана канализацияны өнүктүрүү департаментинин кызматкерлери банкрот болуу алдында турган чет элдик банктагы подрядчынын учурдагы эсебине акча каражаттарын которуу өтүнүчү менен АӨБга кайрылышкан. Натыйжада каражат чет мамлекетке которулган.
Буга байланыштуу аталган башкармалыктын Ичүүчү суу менен камсыздоо жана канализацияны өнүктүрүү башкармалыгынын башчысы Х.Ш.К кармалганын УКМК билдирди.
Маалым болгондой, АӨБ буга чейин Ичүүчү суу менен камсыздоону жана канализацияны өнүктүрүү департаментине 1 миллион 498 миң 200 доллар бөлгөн.