Бишкек-Ош унаа жолунда Кара-Суу районундагы кичи автобус менен жеңил унаанын катышуусунда жол кырсыгы катталып, 10 адам жабыркап, 1 адам каза болду.
Бул тууралуу ӨКМдин басма сөз кызматы билдирди.
Жол кырсыгы Бишкек-Ош жолунун 645-чакырымында болгон. «Мерседес Спринтер» кичи автобусу менен «Субару Аутбек» үлгүсүндөгү жеңил унаанын кагылышынан 1 адам каза болуп, 10 адам жабыркап, куткаруучулар аларды унаадан чыгарышып, тез жардам кызматкерлерине өткөрүп беришкен.
Кырсыктын кесепетинен Ош облустук ооруканасына 10 адам түшкөн:
- беш эркек: 35 жаштагы Ж.П., 38 жаштагы Ш.С., 34 жаштагы О.В., ошондой эле Өзбекстандын жарандары – 32 жаштагы Т.Ш. жана П.Ж.;
- эки аял: 32 жаштагы М.С. жана 19 жаштагы Идов;
- Кырсыктан дагы үч бала: 9 жаштагы Ш.М., 6 жаштагы Ш.Л. жана 3 жаштагы Ш.С. жабыркаган.
Кырсыктан 21 жаштагы И. уулу Э. каза болду.
Окуя болгон жерде төрт куткаруучу иштеген.