«Караван» соода борборунда ижарачылар кайрадан соода борборун электрондук соода тизмесинен чыгарууну талап кылган нааразычылык акциясына чыгышты.
Вице-премьер-министр Эльвира Сурабалдиева «Караван» соода борборунун ижарачыларынын нааразычылыгына чыкты.
Ал нааразы болгондордон бардык арыздар менен нааразычылыктарды өзүнүн аты-жөнүнө кат жүзүндө жөнөтүүнү суранды. Чиновник ишкерлердин кайрылуулары кийинки жуманын аягында караларын убада кылды.
Белгилей кетсек, бүгүн соода борборунун 100 жакын ижарачылары Өкмөт үйүнө келип, аларды президенттин милдетин аткаруучу, премьер-министр Садыр Жапаров кабыл алууну талап кылышты.
Ишкерлер «Караван» соода борбору электрондук аукционго мыйзамсыз киргизилген деп жатышат. Алардын айтымында, мамлекет ишкана рентабелдүү эмес болгон учурда гана аукцион өткөрүүгө укуктуу.