Борбордук шайлоо комиссиясынын маалыматы боюнча, 5-февралга карата Бишкектин эки шайлоо округу боюнча 53 талапкер катталган.
Бул тууралуу БШКнын басма сөз кызматы билдирди.
20-январда талапкерлерди каттоо үчүн документтерди кабыл алуу аяктады. Көрсөтүүгө жалпысынан 72 арыз, каттоо үчүн документтердин толук пакетин 55 талапкер тапшырган.
Каттоо шайлоого 20 күн калганда, 7-февралга чейин бүтүшү керек.
Эске салсак, 1-февралда 37 адам талапкер болуп катталганы маалымдалган.
Биринчи Май шайлоо округу боюнча 28 талапкер, Свердловдо 25 талапкер катталган.
Кайра шайлоо 27-февралга белгиленген. Былтыр ноябрь айында аталган райондордо Жогорку Кеңештин депутаттарын шайлоодо “Баарына каршы” пункту эң көп добуш алган.