Кыргызстандын министрлер кабинети Россиядагы кыргызстандык мигранттардын өлкөгө массалык түрдө кайтып келиши күтүлбөй турганын билдирди.
Бул тууралуу Жогорку Кеңештин жыйынында сөз болду
Экономика министри Данияр Амангелдиев Россиядагы кыргызстандыктар эмгек рыногунда белгилүү орунду ээлеп жатканын билдирди.
“Мигранттардын агымы кандай болорун алдын ала айтуу абдан кыйын. Эмгек рыногу атаандаштыкка жөндөмдүү. Ал эми биздин мигранттар белгилүү бир орунду ээлейт жана ал атаандаштыктын негизинде ошол бойдон калат. «Макдональдс», KFC тейлөө тармагында рыноктун 10 пайызын гана ээлейт. Ошондуктан, биз өзгөчө массалык кайтарууну болжолдобойбуз», – деди ал.
Данияр Амангелдиев белгилегендей, буга карабастан Кыргызстандын жарандарын ишке орноштуруунун альтернативдүү жолдору иштелип жатат.
«Мигранттардын баары кайтып келсе, биз жумуш менен камсыз кыла албайбыз. Учурда Корея жана Түркия менен виза режимин жеңилдетүү боюнча сүйлөшүүлөр жүрүп жатат», – деди ал.