Херсон портунда 12 чет элдик кеме рейдинде кала берет, алар Украинанын аскерий лиманы тосуп калгандыктан Кара деңизге чыга алышпайт.
Облустун аскердик-жарандык администрациясынын башчысынын орун басары Кирилл Стремоусовдун кечээ билдиргенине караганда, 12 чет элдик кеме Херсондо дарыянын тосулганына байланыштуу кала берүүдө.
«Портто 12 чет өлкөлүк кеме калды. Булар негизинен түрк, ошондой эле сириялык кеме жана Сейшел аралдарынын желеги астында кеме бар».
Стремоусов кошумчалагандай, украин аскерлери Николайв облусунун Очаков шаарына жакын жердеги Днепр-Буг куймасы аркылуу деңизге чыгуучу жерди миналашты.
Херсондогу соода деңиз порту 15-июнда ишин улантты.
9-июнда Россиянын тышкы иштер министри Сергей Лавров Украина азыр Украинанын эгиндери жабылган Кара деңиздеги портторду минадан тазалоо товарларды экспорттоонун жалгыз жолу экенин түшүнүшү керек деди.
6-июнда Украинанын президенти Владимир Зеленский украин портторун бөгөттөн чыгаруу жана эгин экспорттоо үчүн эң жакшы кепилдик Киевге кемеге каршы системаларды жеткирүү болорун белгиледи.
20-июнда Литванын тышкы иштер министри Габриэлюс Ландсбергис порттордун тосмосун ачуучу жабдуулардын айрымдары Украинага жөнөтүлгөнүн билдирди. Ал кошумчалагандай, эгер бул жабдыктары бар Европанын башка өлкөлөрү да аны Украинага өткөрүп беришсе, анда азык-түлүк кризисин тезирээк чечүүгө болот.
