Кыргызстанда 2023-жылдын 23-январынан 29-январына чейин СOVID инфекциясынын 1 учуру катталды.
Бул тууралуу Оорулардын алдын алуу жана мамлекеттик санитардык-эпидемиологиялык көзөмөлдөө департаменти билдирди.
Акыркы жумадагы эффективдүү репродуктивдүү сан 1ден аз, бул өлкөдө COVID-19 боюнча туруктуу эпидемиологиялык абалды көрсөтүп турат.
Бардык аймактар жашыл зонада.
Мындан бир жума мурун (2023-жылдын 16-январынан 22-январына чейин) Кыргызстанда коронавирустун 3 учуру катталган.
2022-жылы жана 2023-жылдын 30 күнүндө жалпысынан 21 844 COVID-19 учуру катталган, анын ичинен 19 833 (90,7%) лабораториялык тастыкталган жана 2011 (9,3%) клиникалык жана эпидемиологиялык жактан тастыкталган.