Тажикстандан Кыргызстанга контрабандалык жүк ташып келүү аракети токтотулду.
Бул тууралуу КР УКМКнын Чек ара кызматынын маалымат жана байланыш башкармалыгынан билдиришти.
Бүгүн Баткен облусунун Лейлек районунун Уч-Котон аймагында кызмат өтөө учурунда КР УКМК Чек ара кызматы Тажикстандан Кыргызстанга бараткан кыргыз номердик белгилери бар КАМАЗ жүк ташуучу төрт унааны кармады.
«Унааларды тинткенде үчөө бош, биринде жүк — дарбыз, коробкадагы коон жана 20 каптан ашык күрүч бар экени белгилүү болду. Айдоочуда жүктүн документтери болгон эмес», — деп айтылат маалыматта.
Тиешелүү протоколдор толтурулгандан кийин кармалган айдоочулар, автоунаалар жана жүктөр кошумча иликтөө иштерин жүргүзүү үчүн компетенттүү органдардын кызматкерлерине өткөрүлүп берилди.
