Президент Садыр Жапаров Кыргызстандын футбол боюнча улуттук курама командасынын башкы машыктыруучусу Штефан Тарковичке атасынын каза болгондугуна байланыштуу терең кайгыруу менен көңүл айтты. Өз кайрылуусунда Жапаров Тарковичтин атасынын спорттук карьерасындагы маанилүү ролун белгиледи.
Мамлекет башчысы улуттук кураманын оюнчулары Кытайдын Тайбэй командасы менен боло турган беттеште татыктуу оюн көрсөтөт деген ишенимин билдирди.
Кыргызстандын улуттук курама командасынын башкы машыктыруучусу Штефан Таркович 16-мартта атасынан айрылды. Ал 74 жашта болчу.
Тарковичтин атасы да футбол сүйүүчүсү, баласы менен футбол окуяларын көп талкуулап турчу.
Кыргызстандын футбол союзу машыктыруучуга жана анын үй-бүлөсүнө көңүл айтып, колдоо билдирди.
Тарковичтин келечектеги беттештерге катышуусу кийинчерээк аныкталат.