Өзбекстанда физика боюнча эл аралык олимпиада өтүп, анын жыйынтыгында кыргызстандык мектеп окуучулары үч медалга ээ болушту.
Бул тууралуу Билим берүү жана илим министрлигинин басма сөз кызматы билдирди.
Белгиленгендей, Ахмад аль-Фергани атындагы физика боюнча эл аралык олимпиада (IAFPhO 2021) 8-13-ноябрь күндөрү Фергана шаарында (Өзбекстан) оффлайн жана онлайн режиминде өттү.
«Олимпиадага 19 мамлекет катышты. Кыргызстан оффлайн форматында катышты. Сынактын жыйынтыгында 11-класстын окуучулары Денис Сапарбек уулу (Кадамжай), Нияз Жусупбеков (Жалал-Абад облусу) жана Бекали Гартман (Чүй облусу) коло медалга ээ болушту», – деп айтылат маалыматта.
Жалпысынан Кыргызстандын курама командасында сегиз окуучу болгон.