Коргоо министрлиги Кыргызстандын танк биатлону боюнча мелдештерге катышуусу тууралуу айтып берди. Тактап айтканда, квалификациялык турга 12 танк экипажы катыша турганы кабарланган.
Балыкчы шаарындагы КР Куралдуу Күчтөрүнүн 20636-аскер бөлүгүндө «Эдельвейс» окуу борборунда өтө турган «Танк биатлону-2022» эл аралык мелдешине бириктирилген танк экипаждарын даярдоонун экинчи этабы бүгүн башталды.
Окуунун экинчи этабы аяктагандан кийин, 28-марттан 30-мартка чейин КР Коргоо министринин кубогу үчүн мыкты танк экипажы үчүн Аскер Оюндары-2022 мелдеши өткөрүлөт, анын жыйынтыгында Танк биатлону боюнча КР Куралдуу Күчтөрүнүн курама командасы түзүлөт, анын курамына 4 мыкты экипаж кирет.
Эске салсак, КР КК курама командасы 2014-жылдан бери аскердик кызматташтыкты өнүктүрүү жана РФ КК «Алабино» полигонунда өтүүчү аскердик потенциалды чыңдоо максатында эл аралык «танкалык биатлон» сынагына жыл сайын катышып келет.
2021-жылы “Танк биатлону-2021” эл аралык мелдешинде КР Куралдуу күчтөрүнүн курама командасы экинчи дивизиондо 1-орунду ээлеп, 2022-жылы 1-дивизияга катышуу укугуна ээ болгон.