Өзгөчө кырдаалдар министрлиги видеодо куткаруучулар жана кызматкерлер күн сайын кандай жумуш аткарылып жаткандыгын көрсөттү.
Министрликтин куткаруучулары коопсуздук күчтөрү жана дарыгерлер менен бирге коронавируска каршы күрөшүүнүн алкагында тобокелдик зонасында иштешет.
Министр Замирбек Аскаровдун айтымында, Өзгөчө кырдаалдар министрлиги өкмөт тарабынан коюлган бардык талаптарды аткарат жана ар бир кызматкер өз ишинин сапатына жооп берет.
Кадрда унду өлкөнүн бардык аймактарына жеткирүү боюнча иштер көрсөтүлгөн. Муну жергиликтүү бийлик Өзгөчө кырдаалдар министрлигинин кызматкерлери менен биргеликте жасап жатат.
Мындан тышкары ӨКМ кызматкерлери көчөлөрдү, соода түйүндөрүн, дүкөндөрдү жана базарларды дезинфекциялайт. Аскаровдун айтымында, имараттардын ичинде да, сыртында дагы 40 миллион чарчы метр дезинфекцияланган. Мындан тышкары, 30 миллион метр узундуктагы көчөлөр жана автомобиль жолдору тазаланды.
Өзгөчө кырдаалдар министрлиги Саламаттыкты сактоо министрлиги менен бирге бейтаптарга байкоо жүргүзүү жана шарттарды түзүү боюнча иштерди жүргүзүп жатат. Министрдин айтымында, куткаруучулар өздөрүнүн түздөн-түз милдетин — окуя болгон жерге чакыруу менен барууну унутушпайт.