Боррель Евробиримдик Украинанын курал-жарак жана аскердик техникасы түгөнүп калышына жол бербей турганын айтты.
Евробиримдиктин дипломатия башчысы «азыр согуш чечүүчү баскычта» деп кошумчалады.
Евробиримдик Украинанын Донбасстагы согуштук аракеттердин оор учурда курал-жарак жана аскердик техникасы түгөнүп калышына жол бербейт. Бул тууралуу шейшембиде Евробиримдиктин Коргоо кеңешинин жыйынынын жыйынтыгы боюнча пресс-конференцияда Евробиримдиктин дипломатия башчысы Жозеп Боррель билдирди.
«Азыр согуш оор баскычта. Биз Украинанын аскердик техникасы менен курал-жарактарынын түгөнүп калышына жол бере албайбыз», — деди ал.
Евробиримдиктин жарандык консультациялык миссиясы чек арадагы көзөмөлдү жана согуш кылмыштарын иликтөөнү колдоо үчүн Киевге кайтып келди, деди Боррель.
