Келерки жылы Ооганстанда жашаган памирлик кыргыздар үчүн 350 үйдүн курулушу башталат.
Бул тууралуу президент Садыр Жапаров билдирди.
«Биз баарын дароо көчүрө албайбыз, турак жай менен камсыздай албайбыз, мамлекеттин күчү жетпейт. Ага карабастан биз Ооганстанда начар шартта жашаган памирлик кыргыздарга жардам беребиз. Биринчи кезекте биз аларга кам көрөбүз. Кийинки жылы, апрель айында алар үчүн 350 үй куруп, көчүрөбүз», – деди ал.
Жапаров Өзбекстанда, Түркияда, Тажикстанда жана Кытайда этникалык кыргыздар бар экенин белгиледи.
«Алар бай жашашат жана өздөрү келе алышат. Эгерде мамлекеттин күчү болгондо, аларды башка жакка көчүрө алмак. Бирок кийинки 5 жылда биз жасай албайбыз. Биз этникалык кыргыздарга колдон келген жардамыбызды беребиз», – деди ал.