Чек ара кызматы жарылууларга байланыштуу жарандарга эскертүү берди

КР Чек ара кызматы жакынкы аралыкта Баткен облусунда жарылбай жаткан снаряддарды зыянсыздандырууну жарыялады. Жергиликтүү калктан жарылуулардын үнүнөн дүрбөлөңгө түшпөөнү суранышат.

4-май күнү саат 9:30га карата мамлекеттик чек аранын кыргыз-тажик бөлүгүндө абал туруктуу деп мүнөздөлөт. Бул тууралуу КР УКМКнын Чек ара кызматы билдирди.

Өткөн түнү эч кандай окуя же атышуу катталган жок.

Министрликтин маалыматы боюнча, 3-майдан бери Баткен районунун Актатыр айыл өкмөтүнүн Орто-Боз аймагында КР Коргоо министрлигинин саперлор тобу иштеп, буга чейин жарылбай калган снаряддарды зыянсыздандырууда.

Ушуга байланыштуу, Баткен облусунун мамлекеттик чек аранын кыргыз-тажик тилкесиндеги чек ара аймактарында жашаган Кыргызстандын жарандарынан жарылуунун үнүнөн чочулабоону суранабыз.

Чек арачылар бүтүндөй кыргыз-тажик мамлекеттик чек арасын кайтарууда.

КР УКМК Чек ара кызматынын Баткен облусуна жайгаштырылган бөлүктөрү жана түзүмдөрү күчөтүлгөн режимде кызмат өтөөнү улантууда.

Добавить комментарий