Бишкектеги мейманканалардын биринде пневмония менен ооруган үчүн бейтапкана ачылат. Бул тууралуу эл депутаты Мирлан Жээнчороев билдирди.
Анын айтымында, 40 бөлмөлүү мейманкананы “Республика” партиясынын экс-лидери, азыр бизнесмен Өмүрбек Бабанов ижарага алган. «Ал беш дарыгерге жана 15 медайымга айлык төлөйт. Ошондой эле алар үч маал тамак менен камсыз болушат. Бул убактылуу бөлүм күн сайын дезинфекцияланат», – деди Мирлан Жээнчороев.
Анын айтымында, вице-премьер-министр Акрам Мадумаров, саламаттыкты сактоо министри Сабыржан Абдикаримов, ӨКМдин өкүлдөрү жана Бишкек шаарынын вице-мэри Татьяна Кузнецова жайларды текшерүүгө келишкен. Алар идеяны жактырышты. Мейманкана орто жана жеңил оорулары бар бейтаптарды жайгаштырат.