Мэрия кар жааган күндөрү автоунааларды көчөлөрдүн боюна токтотпоону суранды

«Тазалык» ишканасынын кызматкерлери Бишкек шаарынын жолдорун кардан тазалоону улантууда. Түн жарымдан бери көчөлөргө 614 тонна техникалык туз чачылганын мэриянын маалымат кызматы кабарлады.

Учурда шаарда 38 атайын техника иштеп жатат. Алардын ичинен 25и кар тазалоочу машина, эки ЗИЛ-130 үлгүсүндөгү техника, төрт универсалдык машина жана беш чакан трактор бар.

Мындан тышкары, 700 көчө шыпыргыч жана 120 жүктөөчү жолдорду тазалап жатат.

Мэрия шаардыктарга кайрылып, өзгөчө кар жааган күндөрү автоунааларды чоң-чоң көчөлөрдүн боюна токтотпоону өтүндү.

«Машиналар көчөнүн боюна токтоп турган маалда кызматкерлер жолду тазалай албай калышат. Экинчиден, алар атайын техниканын ары-бери өтүүсүнө, кыймылына тоскоолдук жаратып жатат», — дешти мэриядан.
Эгер жол тазалоого байланышкан маселелер болсо, төрт райондун акимдеринин орун басарларына кайрылууга болот:

  • Карынбаев Аскат Асаналиевич (Ленин району) — (0312) 65-68-78, (0550) 99-79-27;
  • Турсалиев Алмаз Жакыпбекович (Октябрь району) — (0312) 57-63-80, (0772) 19-20-74;
  • Аскарбеков Мавлян Амангельдиевич (Биринчи май району) — (0312) 66-15-37, (0555) 66-60-96;
  • Касымбеков Рустам Асаналиевич (Свердлов району) — (0312) 36-07-07, (0703) 61-18-06.

Похожее:

12 сааттан 36 саатка чейин ачка жүрүү ден соолукка пайдасын тийгизет. Бул туурасында «Известия» дарыгер Валерий Сергеевге таянуу менен жазды. Көп жегиле! Адистер шоколаддын 8 пайдасын атап берди Адис белгилегендей, адам ачка учурунда организм эски жана кызмат аткарбай калган клеткаларды кайрадан иштетип, глюкозага айландырат. Ал эми глюкоза энергия иштеп чыгарат. Мындан тышкары, организм энергияны май кислоталарынан алып баштагандыктан, салмак азаят. Бул жүрөк-кан тамыр системасы менен кыймылды жакшыртат. «Кыска мөөнөттүү ачкачылык учурунда иммундук система инфекция жана вирустар менен активдүү күрөшүп баштайт. Ошол себептен тамактан аз убакытка баш тартып тургандар оорудан оолагыраак болот», — деген Сергеев. Анын айтымында, медицинада ачкарын жүрүүнүн бир нече түрү бар. Алардын бири «12/12» схемасы же башкача айтканда, эртең мененки саат 7:00дө тамактанган киши кечинде 19:00дө азыктанат.
Атамбаев ачкачылык жарыялады
Шопоков шаарында аз камсыз болгон үй-бүлөлөргө гуманитардык жардам берилди

Добавить комментарий