Мектептерде акыркы коңгуроо жана орто мектепти бүтүрүү болбойт. Бул тууралуу Билим берүү жана илим министрлигинин басма сөз кызматы билдирди. Анын айтымында, бул өкмөттүн коопсуздук жана ден-соолукту камсыз кылуу үчүн коронавируска байланыштуу бардык майрамдарды жокко чыгаргандыгына байланыштуу.
«Мектептерге буйрук чыгарып, бүтүрүүчүлөргө сертификат тапшыруу үчүн тизмелерди түзүү сунушталат. Көпчүлүктү чогултууга жол бербөө үчүн, 3-5 кишиден ашпасын. Же класс жетекчиси күбөлүктөрдү өзү жеткирип берет», – деп белгиледи бөлүм.
Эске салсак, окуу жылы алыскы режиминде 30-майда аяктайт. Мындан тышкары, 9 жана 11-класстардын окуучулары үчүн жыйынтыктоочу сынактар жокко чыгарылды. Атайын түзүлгөн мамлекеттик комиссия окуучулардын жетишкендиктеринин негизинде сынак баа берет.