Кыргызстандын Улуттук банкы АКШ долларынын арзандашы фонунда рынокто чет элдик валютаны активдүү сатып ала баштады.
Кыргызстандын Улуттук банкы дээрлик эки айдан бери биринчи жолу валюта рыногуна интервенция менен чыкты. Бул тууралуу Улуттук банктын расмий сайты билдирди.
Жалпысынан бүтүм түзүлгөн күнгө эсептешүү менен 6 миллион доллар сатылып алынган.
Интервенциянын жыйынтыгы доллардын бир аз кымбатташы болду. Азыр коммерциялык банктар менен акча алмаштыруу жайлары «америкалыкты» 81-82 сомдон сатып алышса, 82-82,8 сомдон сатууда. Номиналдык курс 80,2275 сом деп белгиленди.
Жыл башынан бери беш интервенция учурунда Улуттук банк 217 миллион 650 миң доллар сатты. Регулятор дагы үч жолу долларды 25,9 миллион долларга сатып алган. Ошентип, жыл башынан бери чет өлкө валютасын таза сатуу 191 миллион 750 миң долларды түздү.
