Тынчтыкты сактоо иш-чараларына катышуу үчүн КРдан аскер контингенти жөнөтүлгөн. Ташиев кыргыз аскерлери эмне үчүн Казакстанга жөнөтүлгөнүн айтып берди.
«Урматтуу мекендештер!
Кырдаалды тактап айткым келет, бул кыйроону карап жүрөгүм ооруйт, биз муну башыбыздан өткөрдүк, карапайым калктын деструктивдүү элементтери тарабынан талап-тоноого жана киши өлтүрүүгө, бизнести тоноого кантип жол бере алабыз, баарын четке кагып унчукпай карап турсак ким болобуз. Тынчтык жолуна кайтса, анан өздөрү чечет. Азыр абийирдүү жарандардын көбү тынчтыкты каалап, боордош өлкө жардам сурап турганда четте турганыбыз туура эмес. Биз аймактагы тынчтык жана стабилдүүлүктү колдойбуз. Мен өз өлкөмдүн бардык жарандарын түшүнөм, баарыбыз тынчсызданып жатабыз, мени баары туура түшүнөт деп ишенем, мен да адаммын жана мен абдан тынчсызданып жатам, бирок азыр биз тез жана натыйжалуу аракет кылышыбыз керек…», – деди министрлер кабинетинин төрагасынын орун басары, УКМКнын башчысы Камчыбек Ташиев.
Аскердик контингент кырдаалды турукташтыруу жана нормалдаштыруу максатында чектелген мөөнөткө тынчтыкты сактоо иш-чараларына катышуу үчүн жөнөтүлгөн. Жөнөтүү “Кант” авиабазасында болгон.
«Кыргызстандын бейпилдик күчтөрүнүн курамында тажрыйбалуу офицерлер жана контракттык аскер кызматкерлери бар. Алардын милдети коңшу мамлекеттин өзгөчө маанилүү жана стратегиялык объектилерин коргоо болот», – деп белгилейт КР Коргоо министрлиги.
КР Коргоо министрлиги Кыргызстандын бейпилдик күчтөрүнүн Казакстанга өткөрүлүп берилген видеосун жарыялады.