Борбор калаанын автобустарында санариптик карталарды колдонуу менен накталай эмес төлөм системасы киргизилүүдө. Накталай акча менен саякаттоо кымбатыраак болот.
Мэрия автобус жана троллейбустарда накталай төлөмдү улантууну каалагандар үчүн 15 сомдон тарифти бекитүүнү сунуштоодо.
Накталай эмес формада тариф 11 сомду түзөт (азыркыдай).
Эске салсак, муниципалитет 1-июлдан тарта автобустарды жана троллейбустарды накталай эмес төлөмгө өткөрүү чечимин кабыл алган.
Маршруттук таксилерде ушул эле тарифти азырынча 15 сомдон калтыруу сунушталууда. Бишкек шаардык кеңешинин токтом долбоору дагы эле талкууда. Жаңы тарифтерди бекитүү шаардык депутаттардын ыйгарым укуктары.
Ошондой эле 1-июлдан тарта Бишкек шаарындагы муниципалдык автобустарда жана троллейбустарда контролерлор иштей турганы белгилүү болду. Жүргүнчүлөр жол киренин төлөп же төлөбөгөнүн текшеришет. Ошондой эле контроллерлордон “Тулпар” карталарын сатып алууга болот.
