Бишкекте «АгроТехЭкспо-2021» көргөзмөсү башталды. Салтанатка министрлер кабинетинин башчысы Акылбек Жапаров катышты.
Министрлер Кабинетинин Төрагасы өз сөзүндө айыл чарба кызматкерлеринин эмгегин жогору баалап, быйыл алар туруктуулукту жана жогорку профессионалдуулукту көрсөткөнүн белгиледи.
«Кургакчылыкка жана суунун тартыштыгына карабастан, ата мекендик дыйкандар калктын азык-түлүккө болгон муктаждыгын канааттандырууга чоң салым кошо алышты. Жеңилдиктер, насыялар, аба ырайынын катаал шартында дыйкандарды колдоо, экспорттук субсидиялар жана жер семирткичтерди, транспортту жана күйүүчү-майлоочу майларды колдоо чаралары улантылат. Азыр биздин алдыбызда өзүбүздүн өндүрүштүк кубаттуулуктарды өнүктүрүү жана айыл чарба тармагынын экспорттук потенциалын жакшыртуу милдети турат», – деп баса белгиледи Акылбек Жапаров.
Министрлер кабинетинин башчысы айыл чарба тармагын өнүктүрүүгө зор салым кошкон айыл чарба кызматкерлерин аттары жазылган сааттар менен сыйлады, ошондой эле айыл чарба техникаларын жана республиканын аймактарында өндүрүлгөн айыл чарба продукцияларынын көргөзмөсүн карап чыкты.
Көргөзмөгө 200 ашык компаниялардын өкүлдөрү катышат: айыл чарба техникасы, акыркы агротехнологиялар, асыл тукум малдар, канаттуулар, мал чарбачылыгындагы, өсүмдүк өстүрүүдөгү, кайра иштетүүдөгү