Шайлоо алдындагы үгүт иштериндеги мыйзам бузууларды аныктоо үчүн түзүлгөн БШКнын жумушчу тобу мыйзамсыз үгүт иштеринин мыйзам бузуу фактысын каттады. Белгилүү ырчы Бек Бобриев болуп чыккан эреже бузуучуну айыпка жыгуу чечими кабыл алынды
Бул тууралуу БШКнын басма сөз кызматы билдирди.
Анын айтымында, ырчынын аракети эрте үгүт деп табылып, Бузуулар кодексинин 44-беренесине ылайык келген.
Бек Борбиевге 7,5 миң сом айып салынды.
Эске салсак, ырчы «Мекеним Кыргызстан» аттуу видеотасманы интернетке таркаткан. Ал партиянын гимнин өз каалоосу менен жазгандыгын билдирди. Видеодо саясий уюмдун логотиби колдонулган.
БШК 2020-жылдагы шайлоого катышууну көздөгөн партиялардан келип түшкөн документтерди текшерүүнү улантууда.
Үгүт иштери 4-сентябрда башталат. Жымжырттык күнү – 3-октябрда аяктайт.
Жымжырттык күнү ачык добуш берүү болот.
Президент Сооронбай Жээнбеков парламенттик шайлоону дайындоо жөнүндө жарлыкка кол койду. Ал 4-октябрда өтөт.