Экономика жана коммерция министри Данияр Амангелдиев Эл аралык валюта корунун миссия башчысы Николоз Гигинеишвили жана ЭВФтин Кыргызстандагы өкүлчүлүгүнүн туруктуу өкүлү Тигран Погосян менен жолугушту.
Ведомствонун басма сөз кызматы билдиргендей, анда экономикадагы акыркы өзгөрүүлөрдүн маселелери жана Кыргызстандын социалдык-экономикалык өнүгүүсүнүн келечеги талкууланды. Данияр Амангелдиев өлкөнүн 2021-жылдагы жана 2022-жылдын төрт айындагы экономикалык өнүгүүсүнүн жыйынтыгына токтолду. Ал ошондой эле КР экономикасына тышкы терс таасирлердин таасирин жоюу боюнча көрүлүп жаткан чаралар тууралуу маалымат берип, миссиянын суроолоруна жооп берди.
Николоз Гигинеишвили ЭВФтин учурдагы миссиясы карап чыгуучу миссия экенин айтты. Анын максаты аналитикалык материалдарды даярдоо, ошондой эле Кыргызстан менен мындан аркы консультациялар үчүн керектүү маалыматтарды чогултуу болуп саналат. ЭВФ миссиясынын башчысы Экономика жана соода министрлигине керектүү техникалык жардам көрсөтүүгө даяр экенин билдирди.
