Бишкектеги Каба уулу Кожомкул атындагы спорт сарайда 3-январдан 10-январга чейин футзал боюнча эл аралык «Наристе-2020» турнири өтөт. Бул тууралуу Дене тарбия, жаштар иши жана спорт боюнча мамлекеттик агенттигинен кабарлашты.
Эл аралык турнирдин негизги максаты Кыргызстанда футзалды жайылтуу жана өнүктүрүү болуп саналат.
2020-жылы Японияда өтө турчу Олимпиада оюндарынын медалдары. Архив
«Наристе-2020» эл аралык турнири төрт тайпада болуп, мамлекеттик органдардын командалары жана ардагерлер ортосунда өткөрүлөт. Ага катышкандардын жаш курагы 35, 45 жана 55 жаштан жогору болору айтылды.
Жеңүүчү командалар жана мыкты оюнчуларга медаль, 1-2-3-даражадагы дипломдор тапшырылат.
Эл аралык тунирди өткөрүү үчүн 129 миң сом каралган.