Кыргызстанда бир күндө коронавирустан айыгуунун 76 учуру катталды. Бул тууралуу саламаттыкты сактоо министринин орун басары Мадамин Каратаев брифингде билдирди.
Анын айтымында, Бишкек шаарында – 22, Чүй облусунда – 5, Ош шаарында – 19, Ош облусунда – 9, Нарын шаарында – 9, Жалал-Абад жана Баткенде – ар биринен бирден, Талас облусунан – 3, Ысык-Көлдөн – 7.
Бардык мезгил ичинде ооруканалардан 2 миң 370 адам сакайып кеткен.