Кыргызстанда доллар менен евронун баасы мурунку күнгө салыштырмалуу арзандады.
Күйүүчү-майлоочу майдын баасы бир аз өзгөрдү, алтын куймаларынын баасы арзандады.
Жекшембинин таңы менен салыштырганда америкалык валютанын орточо курсу – сатып алуу да, сатуу да 80 тыйынга төмөндөдү. Евро 1 сом 7 тыйынга арзандады. Рубль менен теңгенин курсу анча-мынча өзгөрдү.
Талдоо үчүн тандалган тармактардын биринде 50 тыйынга кымбаттаган АИ-92 үлгүсүндөгү бензинди кошпогондо, күйүүчү-майлоочу майлардын баасы дээрлик өзгөрүүсүз калды.
Улуттук банк жекшемби күнү сатпагандыктан, алтын куймаларынын баасын жума күнкү көрсөткүчтөр менен салыштырып көрдүк. Бул убакыттын ичинде куймалардын бардык түрлөрүнө баа төмөндөдү. Ошентип, бир граммдыкы 106 сомго, эки граммдыкы 585ке, беш граммдыкы 2194кө, он граммдыкы 4675ке, унциясы 9471ге, жүз граммдыкы 3960 сомго арзандады.
