Кыргызстанда жуккан 695 коронавирустун 395и айыгып кеткен. Саламаттыкты сактоо министринин орун басары Нурболот Үсөнбаевдин айтымында, өлкөдө «коронавирус инфекциясы жай жүрүп жатат».
«Адистердин байкоолору боюнча бизде жай коронавирустук инфекция бар. Республикада инфекциянын жергиликтүү очокторун (Ош, Жалал-Абад, Нарын облустары) эске алганда, бизде оорунун чокусу мүнөздүү болот деп болжолдойбуз», — деп түшүндүрдү Саламаттыкты сактоо министрлигинин башчысынын орун басары.
Акыркы сутка ичинде өлкөдө коронавирустун 13 жаңы фактысы аныкталып, 25 адам айыгып кетти.
“Ковид-19 инфекциясынын 13 жаңы учурунун экөөсү импорттолгон. Вирус Россия Федерациясынан кайтып келген жарандарда аныкталды, алардын бири Соль-Илецк шаарынан бир айдан ашык убакыттан кийин кайтып келип, мамлекеттик чек арадан өткөндө, анализде коронавирустун бар экендиги тастыкталды. Экинчи жаран Новосибирсктен кайтып келди”, — дейт Үсөнбаев.
Эпидемиянын бүткүл мезгилинде республикада сегиз бейтап коронавирустан көз жумган.
