Санариптик өнүктүрүү министрлиги кыргызстандыктар арасында популярдуу болгон алдыңкы 10 унаа маркасынын тизмесин түзүп, биринчи орунду Mercedes-Benz үлгүсүндөгү унаа ээледи.
Биринчи бештик
Германиянын Mercedes-Benz автоконцернинин көпчүлүк автоунаалары Кыргызстандын жолдорунда жүрөт – 141 618 даана «Унаа» мамлекеттик мекемесинин маалымат базасында катталган. Экинчи орунду түштүк кореялык Daewoo унаа маокасы ээлейт – 139 406 даана. Бир жыл мурун ал үчүнчү орунду ээлеген. Үчүнчү орунда россиялык «АвтоВАЗ» автоунаалары турат — 137 485.
Рейтингде Toyota жана Honda маркасындагы жапон унаалары, мотоциклдери жана башка унаалары 4 жана 5-орундарды ээледи: Кыргызстанда 128 672 жана 118 722 автотранспорт бар.
Экинчи бештик
Hyundai — 86 798;
Volkswagen — 82 585;
Audi — 66 316;
ГАЗ — 39 067;
Nissan — 34 399.
Белгиленгендей, Кыргызстанда 1785 автотранспорттор маркасы катталган.