Казакстандын Улуттук банкы Казакстандан Кыргызстанга акча которуулардын көлөмү 51 миллион 789,8 миң долларды (22 миллиард теңге) түзгөнүн билдирди.
Сөз эл аралык акча которуулар тутуму жөнүндө болуп жатат.
2020-жылдын ушул мезгилине салыштырмалуу Казакстандан Кыргыз Республикасына которуулар 81,8% же 23,3 млн долларга көбөйгөн.
Белгилей кетсек, ошол эле мезгилде кыргыздар Казакстанга 12,7 миллион доллар жөнөткөн, бул дагы бир жыл мурунку көрсөткүчтөн жогору (+1,6 миллион доллар).
Кошумчалай кетели, Түркия тарыхта биринчи жолу Казакстандан чет өлкөлөргө жиберилген каражаттардын көлөмү боюнча лидер болуп, буга чейин лидер болгон Россияны жылдырган.