Акыркы бир күндө дүйнөдө коронавирусту жуктуруп алгандардын саны 223 миң 277 адамга көбөйдү. Муну окумуштуулар тарабынан иштелип чыккан онлайн-картадагы маалыматтар тастыктап турат.
Дүйнөдө жалпысынан 12 миллион 12 миң 720 адам коронавируска чалдыккан. Эң көп жуккан АКШ (3 миллион 54 миң 695), Бразилия (1 миллион 713 миң 160), Индия (742 миң 417), Россия (699 миң 749), Перу (312 миң 911), Чили (303 миң 83) жана Улуу Британия (288 миң 511).
Коронавирус инфекциясы 188 мамлекетте катталган.
Коронавирусту жуктуруп алгандан кийин айыгып кеткен адамдардын саны 6,5 миллиондон ашты. Бир күндүн ичинде индикатор 138 миң 231 кишиге көбөйгөн.
Коронавирустан каза болгондордун саны 543 миң 558 адамга жеткен. Шейшемби күнү эртең мененки маалыматка салыштырмалуу бул көрсөткүч 5 миң 356 кишиге көбөйгөн. Анын ичинде АКШда 132 миң 299 адам, Бразилияда 67 миң 964, Улуу Британияда — 44 миң 602, Италияда — 34 миң 914, Мексикада — 32 миң 796 адам көз жумган.
Кыргызстанда коронавирус инфекциясы 8 миң 847, Казакстанда — 51 миң 59, Өзбекстанда — 11 миң 92, Тажикстанда — 6 миң 364 катталган.
