Кыргыз Республикасынын Өзгөчө кырдаалдар министрлигинин маалыматы боюнча, Жалал-Абад облусунун Базар-Коргон районундагы Арстанбап айылындагы бир нече үйлөрдүн жашоочулары ташкын коркунучу себебинен убактылуу көчүрүлгөн. Окуя болгон жерге ӨКМдин Базар-Коргон райондук ыкчам тобу, Өзгөчө кырдаалдар министрлигинин жана айылдык аймактын өкүлдөрү келишти.
Сурамжылоонун жыйынтыгында, 4 үйгө коркунуч туулганы белгилүү болду жана ушул үйлөрдүн жашоочуларын туугандарына убактылуу көчүрүү чечими кабыл алынды. Ошондой эле, калк арасында түшүндүрүү иштери жүргүзүлүп, жеринде кезмет уюштурулган.