Президент Зеленскийдин кичи мекениндеги 400 ашык көчөлөрдүн аталышы өзгөртүлөт. Алар Украинанын коргоочуларынын ысымдары менен аталат деп айтышууда.
Бул тууралуу бейшемби күнү украиналык «Вести» басылмасы Кривой Рог шаардык кеңешинин сайтына шилтеме берип жазды.
«Азыр жумушчу топ атын өзгөртүү сунушталып жаткан ысымдарды системалаштырат, андан кийин жумушчу топтун ичинде ички талкуу болот, андан кийин коомдук талкуу болот», — деп басылма Кривой Рог шаарынын вице-мэри Сергей Милютиндин сөзүн келтирет.
Буга чейин Кривой Рог шаардык кеңешинде топонимика боюнча убактылуу жумушчу топ тузулуп, анын курамына шаардык аткаруу комитетинин жана райондук Советтин жетекчилери, коомчулуктун өкүлдөрү, окумуштуулар, краеведтер жана тарыхчылар кирген.
