Спутниктер жана алардын изилдөө аппараттары тутумунун жардамы менен бай кендерди издөө, ошондой эле өзгөчө кырдаалдардын алдын алуу жана айыл чарбасынын акыркы тажрыйбаларын киргизүү мүмкүн болот.
Евразиялык спутник топ жылдызын космоско учуруу пландаштырылууда, деп билдирди Евразия экономикалык комиссиясынын басма сөз кызматы.
Мындан бир күн мурун, 28-апрелде, ЕЭК Коллегиясы Жерди алыстан зондоо маалыматтарынын негизинде космостук жана гео-маалыматтык кызматтарды көрсөтүү жаатында Евразия экономикалык бирлигинин өлкөлөрүнүн глобалдык кызматташуу долбоорун жактырган.
Өнөр жай жана агроөнөр жай комплекси боюнча коллегия мүчөсү (министр) Артак Камалян бирликтин бардык өлкөлөрү бул жаатта Евразиялык мамлекеттер аралык программа боюнча макулдашкандыгын жарыялады. Ал ЕЭК Кеңешинде каралып, Евразиялык өкмөттөр аралык кеңеш тарабынан бекитилген (премьер-министрлер деңгээлинде).
ӨКМ басма сөз кызматы эскерткендей, чалгындоонун жана казып алуунун натыйжалуулугун жогорулатуу, айыл чарбасына акыркы тажрыйбаларды киргизүү, өзгөчө кырдаалдардын алдын алуу жана алардын кесепеттерин жоюу, айлана-чөйрөнү коргоо жана климаттын өзгөрүшүн контролдоо боюнча уникалдуу чечимдерди табууга болот.
«Бүгүнкү күндө орбитада алыскы зонду иликтеген 500гө жакын спутник бар. Быйыл алардын санын 1200-1300гө жеткирүү пландалууда. Жакында Евразиялык топ аларга кошулушу мүмкүн”, – деп билдирет ЕЭКтин басма сөз кызматы.
Мамлекеттер аралык программанын 2021–2025-жылдары ишке ашырылышы пландаштырылууда.
«Бул программа ЕАЭБнын бирдиктүү экономикалык мейкиндигинен пайдаланууга, союздук өлкөлөрүнүн өнөр жай, илимий, техникалык жана маркетингдик мүмкүнчүлүктөрүн бириктирүүгө, космостук кемелери жок Армения менен Кыргызстанды кошо алганда, бардык союздук мамлекеттерди тартууга мүмкүндүк берет», – деп белгилейт ЕЭК.
Камалян: программанын башталышы кийинки бюджеттик жылга арналып жасалгандыгына карабастан, иштеп чыгуучулар «токтоп калышкан жок жана жөнгө салуучу жана техникалык жактан камсыздоо менен байланышкан биринчи тапшырмаларды аткарууну башташты», деп баса белгиледи.