Борбор калаанын эки көчөсүндө унаа кыймылы чектелет. Бул жол иштерин жүргүзүү зарылдыгы менен байланыштуу.
Мэрия Ташкент көчөсүндө (Тоголок Молдо көчөсүнөн Исанов көчөсүнө чейин) жана Сухэ-Батор көчөсүндө (Каралаев көчөсүнөн Шабдан Баатыр көчөсүнө чейин) автоунаа кыймылы убактылуу токтой тургандыгын билдирди.
Мэриядан билдиришкендей, жол иштерин аяктоо күздүн аягына пландаштырылган.
Бишкек шаардык жол тармагын өнүктүрүү долбоорунун экинчи этабы 2 жылга эсептелген. Бул убакыт аралыгында Бишкек шаарында 5 көпүрө куруу жана жалпы узундугу 70 чакырымдан ашык 60 көчөнү оңдоо пландалууда.
Бул тизмедеги көптөгөн көчөлөр кеңейтилет же калыбына келтирилет, баарында тротуарлар жана ирригациялык тармактар болот. Оңдоо иштери Кытай Эл Республикасынын гранттык каражаттарынын эсебинен жүргүзүлөт. Курулушту Кытайдын China Road & Bridges Corporation корпорациясы жүргүзөт.