АКШ менен Британия Йеменде хуситтердин Кызыл деңизде кемелерге жасаган кол салууларына аскердик жооп даярдашууда. The Times гезитинин жазганына караганда, премьер-министр Сунак бейшемби күнү министрлер кабинетинде хуситтерге каршы аскерий сокку урууга жакын экенин айткан. Джо Байден алдыдагы аскердик операцияга байланыштуу кайрылуу даярдап жатат.
Бирок Йемен эч бир сокку жоопсуз калбай турганын жана бул америкалыктар күткөндөн да кыйратуучу болорун билдирди. Ирактын каршылык көрсөтүү күчтөрү да Йеменге каршы агрессия болгон учурда АКШнын аскерий базаларына сокку урууга даяр экендиктерин жарыялашты.
Йемендин лидери Ансарулла Сауд Арабия, Бириккен Араб Эмираттары жана Катарга аба мейкиндигин АКШ жана Британиянын аскерлерине ачса, бул алар менен расмий түрдө согушуп жатканын билдирерин эскертти.
Акыркы окуялар:
Сауд Арабиясы аба мейкиндигин АКШ менен Британиянын аскердик учактары үчүн ачты. Ал арада Бириккен Араб Эмираттары менен Израил куралдуу күчтөрүн жана абадан коргонуу системаларын толук күжүрмөн даярдыкка келтиришти.
Британ-америкалык согуштук учактар Йемендин аба мейкиндигине жакын жерде учуп жүргөнү катталды. Иран менен Сирия Йеменге колдоо билдирди. Оман Йеменге багыт алган бардык учактар үчүн аба мейкиндигин жапты.
Sky News телеканалынын маалыматына караганда, жакынкы сааттарда Йеменге сокку уруу күтүлүүдө.
Эске сала кетсек, 2023-жылдын 9-январында Кызыл деңиздеги эл аралык коалициянын кемелери Йемендик хусилердин бул аймактагы жарандык кемелерге жасаган эң ири чабуулунун мизин кайтарган. Бул чабуул үчүн хуситтер аты аталбаган түрдөгү 18 Иранда жасалган камикадзе учкучсуз учактарды, бир баллистикалык жана эки кемеге каршы канаттуу ракеталарды колдонушкан, алардын баары атып түшүрүлгөн.