Садыр Жапаров Россия-Кыргызстан Фондунун ишкерлерине насыя берүү тутумун өзгөртө тургандыгын жарыялады.
«Буга чейин Россия-Кыргызстан Өнүктүрүү Фонду ири ишкерлерди жана бай адамдарды гана жеңилдетилген шарттарда каржылап келсе, эми андай болбой калды», – деди президенттин милдетин аткаруучу премьер-министр Садыр Жапаров.
Анын айтымында, фонд тарабынан насыялар толугу менен туура эмес берилген учурлар болгон.
«Азыр биз мунун бардыгын тактап жатабыз. Мындай көрүнүш кайталанбашы үчүн фонддо аудит жүрүп жатат», – деди Садыр Жапаров.
Эске салсак, РКӨФдө бийлик алмашкандан кийин төрага алмашты. Азиз Аалиевдин ордуна Нурлан Мамытов кызмат ордун ээледи.