Жогорку Кеңештин депутаты казинону мыйзамдаштыруу маселесин Мусулмандардын дин башкармалыгынын өкүлдөрү менен талкуулоо керек деп эсептейт.
Башка өлкөнүн жарандыгы бар же эки жарандыгы бар кыргызстандыктарга казинодо ойноого тыюу салынышы керек. Бул тууралуу бүгүн, 2022-жылдын 11-майында Жогорку Кеңештин жалпы жыйынында депутат Марлен Маматалиев («Ынтымак») билдирди.
Каржы рыногун жөнгө салуу жана көзөмөлдөө мамлекеттик кызматынын төрагасы Улан Сарбанов буга макул экенин жана бул маселени экинчи окууда иштеп чыгууга аракет кылаарын билдирди.
Депутат бул маселе диний уюмдар, анын ичинде КМДБ менен талкууланганбы деген суроону койду.
У.Сарбанов бул маселе диний уюмдар менен талкууланган эмес деп жооп берди.
«Мен бул мыйзам долбоорун министрлер кабинетинин атынан сунуштап жатам. Эч кандай консультация болгон жок. Мен бул маселе боюнча адис эмесмин жана динчил эмесмин, ошондуктан айта албайм. Бул экономикалык маселе», — деди ал.
Депутат туура чечим кабыл алуу үчүн КР жарандары казинодо ойной алабы же жокпу деген чынчыл жооп керектигин айтты.
