Кыргызстан менен кытайлык China Power International Development компаниясы инвестициялык келишимге кол коюшту.
Ага ылайык, China Power компаниясы China Railway 20 Bureau Group Corporation (CR20G) менен биргеликте Ысык-Көл облусунда 1000 МВт кубаттуулуктагы күн электр станциясын куруу долбоорун ишке ашырууга ниеттенүүдө.
Бул тууралуу Кыргызстандын министрлер кабинети билдирди.
Инвестициянын көлөмү, ишке ашыруу мөөнөтү, күн электр станциясынын курулуш аянты жана долбоордун башка деталдары айтылган жок.
Министрлер кабинети China Power International Development Limited дүйнөдөгү эң ири күн энергиясы ишканасы экенин жана Пакистан, Вьетнам, Казакстан, Германия, Австралия, Бразилия, Чили жана Мексика сыяктуу өлкөлөрдө иштээрин белгиледи. Кызматкерлердин саны 12 миңден ашуун адамды түзөт. Компаниянын жалпы орнотулган кубаттуулугу 48,7 ГВт, салыштыруу үчүн Кыргызстанда 3,93 ГВт түзөт.
China Railway 20th Bureau Group Corporation 1948-жылы негизделген жана Ангола, Монголия, Мозамбик, Бразилия, Пакистан сыяктуу өлкөлөрдө иштейт. Саны 20 000 ашык адам. Жогоруда аталган өлкөлөргө инвестициянын жалпы көлөмү 6,1 миллиард долларды түзөт.