Кыргызстанда инфляциянын деңгээли акыркы 10 жылда биринчи жолу рекорддук чекке жетти.
Он жылдан бери Кыргызстанда биринчи жолу инфляция 9,7% түздү.
Улуттук статистикалык комитеттин пресс-конференциясында тармактык статистика бөлүмүнүн башчысы Айнура Нурбаева инфляция 9,7% түзгөнүн айтты.
Анын айтымында, азык-түлүк товарларына жана алкоголсуз суусундуктарга баалар кыйла жогорулады (17,6%). Өз кезегинде азык-түлүк эмес товарларга баалар 2,4% жогорулады.
Эң жогорку баалар Талас облусунда көтөрүлгөнү белгиленди. Ал жакта азык-түлүк товарлары жана алкоголсуз суусундуктар 23,5% көтөрүлдү.
Эске салсак, коронавирус пандемиясынын фонунда ЕАЭБдин бардык өлкөлөрүндө керектөө бааларынын жана тарифтеринин жогорулашы белгиленген. Бирок, эң чоң өсүш Кыргызстанда катталды.
Эгерде өнүккөн өлкөлөрдө инфляциянын деңгээли жылына болжол менен 2-3 пайызды түзсө, анда Кыргызстан сыяктуу өнүгүп келе жаткан өлкө үчүн 5-7 пайызга чейин инфляция алгылыктуу.
Инфляциянын жогорку пайызы экономиканын өнүгүүсүн жайлатат. Демек, өлкөдө баалардын туруктуулугун сактоо жалпы макроэкономикалык туруктуулукту орнотуунун эң маанилүү шарты болуп саналат.